Hukumar Abinci Ta Duniya na fuskantar gibin kudin tafiyar da ayyukanta

Hukumar Samar da abinci ta Majalisar Dinkin Duniya ta ce za ta katse tallafin abincin da take bai wa wasu kasashen duniya, saboda gibin dala bilyan guda da hukumar ta samu a cikin kasafin kudadenta.

Yara marayu karkashin kulawar Hukumar Abionci ta Duniya a Koriya ta Arewa Wfp.org

Daraktan hukumar, Ertharin Cousin, ta ce sakamakon raguwar kudaden ya sa sun zabtare taimakon da ya kamata su bai wa kasashen Haiti, Niger, Mali da Kenya.

Jami’ar hukumar ta ce ayyukansu na dada fadada, sakamakon karuwar mabukata musamman a Syria inda take neman ciyar da mutane sama da miliyan hudu akan kudi dala miliyan 40, yayin da kudaden ta na raguwa.