A yau Laraba, kasar Rasha ta sanar da shirin gudanar da tattaunawa da Amurka da sauran kasashe masu ruwa da tsaki kan yakin Syria a karshen wannan mako, irinsa na farko tun bayan karya yarjejeniyar bude wuta na wucen-gadi da kasashen suka yi.Tattaunawar da za ta hada da Turkiyya da Saudiya da kuma watakila Qatar, na zuwa ne a dai-dai lokacin da shugaba Erdogan na Turkiyan ke nuna fargaban barkewar gagarumin yaki tsakanin Amurka da Rasha kan Syrian. A zantawarsu da Umaymah Sani Abdulmumin, Farfessa Habu Muhammad, masanin harkokin siyasar duniya da ke jami’ar Bayero ta Kano, yace har yanzu fa, wadanan kasashen basu shirya kawo karshen yakin Syria ba.
