An harba na'urar da za ta tattaro bayanan wasu duniyoyin
Na’urar hangen nesa mafi karfi da aka cilla ta can saman jannati a yau Asabar, ta tarwatse, inda kuma ta doshi mazauninta mai tazarar kilomita miliyan 1.5 daga nan doran kasa.
Wallafawa ranar:
Na’urar ta James Webb wadda aka kashe mata biliyoyin kudi na Dala wajen kera ta, ta bar wannan doran kasar ne daga cibiyar aikin kimiya ta Kourou da ke yankin Guiana na Faransa.
Ana sa ran wannan na’urar za ta kwashe tsawon wata guda kafin ta isa ainihin mazauninta a can duniyar ‘yan saman jannati.
Masana kimiya na ganin cewa, na’urar ta James Webb za ta taimaka wajen tattaro karin bayanai game da asalin halittu da sauran duniyoyi.
An dai lullube wannan na’urar a cikin kunbon roka saboda girmanta da kuma karfinta kafin daga bisani a cilla ta can sararin samaniya.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu