Yaya Toure ya zama Gwarzon Afrika karo na hudu

Dan wasan Manchester City Yaya Toure ya lashe kyautar gwarzon dan wasan Afrika karo na hudu a Jere bayan ya samu rinjayen kuri’u fiye da abokan takararsa Vincent Enyeama Golan Lille da Najeriya da kuma dan wasan Borussia Dortmund Pierre-Emerick na Gabon.

Yaya Toure na Cote d'Ivoire a lokacin da ya karbi kyautar gwarzon Afrika karo na hudu REUTERS/Akintunde Akinleye

Golan Najeriya Vincent Enyeama ya taya Yaya Toure murnar a bayan kammala bikin da aka gudanar a birnin Lagos.

Yaya Toure ya kafa tarihi a Afrika a matsayin wanda ya lashe kyautar karo hudu a jere da jare. Kodayake Eto’o ya taba lashe kyautar sau hudu.

A shafin Vincent Enyeama na Istagram Golan ya taya Toure murna tare da godewa Ubangijinsa da magoya bayansa akan kwarin guiwar da suke ba shi.