Buhari ya jadada bukatar murkushe tsagerun Niger Delta

Shugaban kasar Najeriya Muhammdu Buhari, ya bada umarni karfafa matakan tsaro a yankin Niger Delta dake kudancin kasar, yayin da ake cigaba da samun rahotanni hari kan bututun mai dake barazana ga tattalin arzikin kasar.

Shugaban Kasar Najeriya Muhammadu Buhari REUTERS/Afolabi Sotunde

Wata sanarwa daga ofishin shugabar kasar, ta umarci jami’an tsaron kasar su murkushe tsgerun dake haifar da nakasu ga cigaban kasar, ta hanyar fasa bututun mai.

Sai dai a cewar Philip Hammond ministan kasahen wajen Britaniya, daukan matakan soji ba zai shawon kan matsalar hari kan bututun mai a Najeriya ba, saboda talauci na daga cikin musabbin dake sanya mazauna yankin ta’addi ga bututun man.