Miliyoyin yaran Najeriya ba sa samun ruwa mai kyau a kullum

Yayin da ake bikin ranar ruwa ta duniya, Hukumar UNICEF ta ce kusan kashi daya bisa 3 na yaran Najeriya wato miliyan 26 da rabi ba sa iya samun tsaftacacen ruwan da suke bukata kowacce rana.

Sama da yara miliyan 26 ba sa samun ruwan da suke bukata a kullum a Najeriya AFP/File

Jami’in hukumar a Najeriya Peter Hawkins ya ce wannan ba wai wata sabuwar matsala ba ce domin kuwa ta dade tana addabar al'umma.

Hawkins ya ce, a inda ake fama da karancin ruwa sakamakon kafewar rijiyoyi, yara ne suka fi jin radadin matsalar ganin yadda suke wahala wajen neman ruwan, abin da ke hana su tafiya makaranta.

Dangane da yanayin samar da ruwan sha a bainar jama'a a Najeriya, Abubakar Isa Dandago ya tattauna da Daraktan Hukumar Samar da Ruwan Sha a Jihar Kano Yunusa Muhammad Inuwa.

Kuna iya latsa alamar sautin da ke kasa domin sauraren cikakkiyar hirarsu

03:40

Yadda hukumomi ke samar da ruwan sha a Najeriya