Ana fuskantar karancin takardun Naira a wasu jihohin Najeriya

A Najeriya ,duk da tabbacin da babban bankin kasar ya bayar a baya-bayan nan na cewa akwai isasshen Naira a kasuwannin kasar , rahotanni sun nuna karancin takardun kudin a fadin Najeriya.

Naira AP - Sunday Alamba

Rahotanni daga wasu yankunan kasar na dada nuni cewa an soma fuskantar karancin takardun Nairar a wasu sassan Abuja, Legas, Kano, Kwara, Gombe, Edo, Sokoto, da Ekiti.

 Da yawa daga cikin abokan huldar bankuna da masu sana’ar sayar da kayayyaki, sun koka da yadda ya zama kalubale wajen samun kudi don gudanar da ayyukansu na tattalin arziki.

Tsohon babban Gwamnan bankin Najeriya,Godwin Emefiele da a lokacinsa ya aiwatar da tsarin sabinta kudin Najeriya,ya fuskanci irin wannan matsalla ta karancin takardun kudin Naira,wanda ya kasa magance haka cikin lokaci.