Cape Verde na adawa da batun tura sojoji kasar Nijar

Shugaban kasar Cape Verde, José Maria Neves, ya ce kasarsa mamba ce a kungiyar raya tattalin arzikin kasashen yammacin Afirka ECOWAS, tana mai adawa da matakin aikewa da soja a Jamhuriyar Nijar.

Taron manyan hafsan sojin kasashen ECOWAS AFP - KOLA SULAIMON

Duk da cewa kasar tana goyon bayan maido da Shugaba Bazoum a kan karagar mulkin kasar, amma shugaban na Cape Verde ya nuna cewa ba za a iya yin hakan ta hanyar shiga tsakani ba.

Bayan taron na Abuja,shugabannin kungiyar sun yanke shawarar yin amfani da diflomasiya kafin tunanin amfani da karfi soja domin warware wannan matsala a Nijar.

Shugaban kasar José Maria Neves, a jawabin da ya gabatarwa  yan kasar a jiya Juma'a a tsibirin Fogo, ya ce "Dole ne dukkanmu mu yi aiki don maido da tsarin mulki a Nijar ta hanyar sulhu da diflomasiya.

Shugaban kasar Cape Verde José Maria Neves. © RFI/Guillaume Thibault

 Shugaban na Cape Verde ya kuma bayyana cewa da wuya kasarsa za ta shiga tsakani  tareda da tura soji idan ECOWAS ta yanke shawarar daukar mataki. "

Shugaban kasar Cote D’Ivoire, Alassane Ouattara da dawowa daga taron Abuja, ya sanar da cewa, baya ga kasarsa, Najeriya da Benin, sun yi alkawarin hada sojoji a cikin wannan tsarin na shiga tsakani.

Shugabanin sojojin kasashen ECOWAS © AP - Chinedu Asadu Chinedu Asadu

Shugaba Ouattara  ya sanar da wata bataliya ta Cote D’Ivoire  mai yawan sojoji 850 zuwa 1,100 a matsayin gudunmawar rundunar ta ECOWAS da nufin shiga tsakani a Nijar. A halin yanzu, kuma duk da barazanar, ana ci gaba da muhawara game da yiwuwar wannan shiga tare da fuskantar manyan kalubale.