Dokar kullen Faransa ta haramta shan barasa
Gwamnatin Faransa ta sanar da shirinta na haramta kwankwadon barasa a wuraren shakatawa, a wani bangare na sabuwar dokar kulle domin takaita yaduwar annobar Covid-19, kamar yadda Firaministan kasar, Jean Castex ya bayyana a yau Alhamis.
Wallafawa ranar:
A yayin gabatar da jawabi a zauren Majalisar Dokokin Faransa, Firaminista Castex ya ce, hukumomin kasar ba za su yi kasa a guiwa ba wajen tarwatsa taruwar jama’ar da adadinta ya zarce mutun 6 a wuraren shakatawa da suka hada da bakin ruwa da dandalin nishadi a karkashin sabuwar dokar da shugaba Emmanuel Macron ya kaddamar a jiya Laraba.
Castex ya yi tur da mutanen da ke karan tsaya ga sabuwar dokar kullen bayan wasu hotuna sun nuna wani gungun mutane na holewa da barasa a bakin ruwa da ranar tsaka a wasu biranen kasar da suka hada da Paris da Lyon.
Firaminista Castex ya kara da cewa, ya kamata masu shigar da kara na gwamnatin kasar su tuhumi masu shirya bukuwa a boye saboda yadda suke jefa rayukan jama’a cikin hadari a cewarsa.
Firaministan Faransa na jawabi a zauren Majalisar Dokokin kasar kan sabuwar dokar kulle
« Les commerces, ne les fermez pas ! » ; « les stations de ski, ne les fermez pas ! » ; « les universités, rouvrez-les ! » ; « les établissements culturels, rouvrez-les ! » : ceux qui tenaient hier ces propos nous reprocheraient aujourd'hui des mesures tardives ou insuffisantes ? pic.twitter.com/kgMBb86Ocg
— Jean Castex (@JeanCASTEX) April 1, 2021
A bangare guda, shugaba Macron ya zartas da dokar rufe makarantu da kuma gudanar da aiki daga gida, amma ana sa ran zai sassauta matsin lamba kan asibitoci da ke fuskantar karuwar masu fama da coronavirus da suka cika makil a sashin kula da marasa lafiya da ke cikin matsanancin hali.
Kodayake shugaban na Faransa ya ki kafa dokar tilasta wa mutane zaman gida na dole a wannan karo ko kuma hana su walwala baki daya, yayin da ya amince da tafiye-tafiyen fasinjoji a lokacin bukukuwan Easter a karshen makon nan.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu