Man City ta kama hanyar lashe gasar Firimiya a Ingila

Kungiyar Manchester City ta lallasa Newcastle United a gasar Firimiya ta Ingila da ci 5-0 abinda ya dada bata damar matsawa kusa da kofin gasar, yayin da Liverpool ta barar da damar ta jiya a karawar da suka yi da Tottenham wanda ya tashi 1-1.

Riyad Mahrez yayin murnar jefa kwallo a ragar Manchester United. © Oli SCARFF / AFP

City ta zazzagawa Leeds kwallaye 5 ta hannun Raheem Sterling da Aymeric Laporte da Rodri da kuma Phil Foden nasarar da ta bata damar baiwa Liverpool rata da maki 3 a teburin Firimiya.

Yan wasan Manchester City Action Images via Reuters - CARL RECINE

Yanzu haka Man City na da maki 86 a wasanni 35, yayin da Liverpoll ke da maki 83 a daidai lokacin da ya rage wasanni 3 a kammala gasar baki daya.

Kungiyar Chelsea na ci gaba da zama a matsayi na 3 da maki 67, yayin da Arsenal ke matsayi na 4 da maki 66, sai kuma Tottenham da maki 62 a matsayi na 5, Manchester United na matsayi na 6 da maki 58.