Equatorial Guinea ta raba gari da kocinta

Kocin kasar Equatorial Guinea Henri Michel, dan kasar Faransa ya ajiye aikin shi, wata daya a fara gudanar da gasar cin kofin Afrika inda kasar ke daya daga cikin masu daukar nauyin gudanar da gasar.

Dan kasar Faransa Henri MIchel Kocin Equatorail Guinea. AFP/PHOTO/ABDELHAK SENNA

Mista Michel wanda tsohon jagoran ‘yan wasan Faransa ne kuma tsohon koci ya ajiye aikinsa ne bayan da wani babban jami’in hukumar wasanin kasar ya nemi ya yi masa katsalandan ga aikinsa na shirye shiryen gudanar da gasar Cin kofin Nahiyar Afrika da za’a fara a ranar 21 ga watan Janairu.

Yanzu haka kuma hukumar wasannin ta maye gurbin Michel da Casto Nopo a matsayin sabon koci.