Bayern Munich zata kece raini da Real Madrid a Allianz Arena
A yau Talata akwai gasar zakarun Turai da za’a gudanar zagayen kusa da karshe inda Bayern Munich zata karbi bakuncin Real Madrid a filin wasa na Allianz Arena, filin da za’a buga wasan karshe a ranar 19 ga watan Mayu.
Wallafawa ranar:
Dan wasan Bayern Munich Bastian Schweinsteiger yace zasu yi amfani da kwarin gwiwa a gida domin samun galabar Real Madrid.
Sai dai a wasanninsu na baya bayan nan Real Madrid ta lallasa Sportig Gijon ci 3-1, amma wasa tsakanin Bayern Munich da Mainz an tashi ne babu ci. Kuma maki 8 ne Borussia Dortmund taba Bayern a Tebur na Bundesliga.
Amma kuma a Tarihin haduwar kungiyoyin biyu, Bayern Munich ta samu galabar Real Madrid sau uku a shekarar 1976 da 1987 da 2001, Madrid kuma ta samu galabar Bayern sau daya a shekarar 2000.
A gobe Laraba ne Chelsea zata kara da Barcelona mai rike da kofin gasar.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu