Tottenham ta sallami Harry Redknapp

Kungiyar Tottenham a Ingila ta raba gari da kocinta Harry Redknapp bayan ya kwashe shekaru 4 yana aikin horar da ‘yan wasan kungiyar. A shekarar 2008 ne Redknapp ya fara aikin horar da ‘Yan wasan Tottenham bayan ya baro Portsmouth.

Harry Redknapp, Wanda kungiyar Tottenham ta sallama a matsayin koci REUTERS/Luke MacGregor

A bana Tottenham ta tsallake zuwa buga gasar zakarun Turai amma Chelsea ce ta haramtawa kungiyar bayan ta lashe kofin gasar a bana.

Redknapp dai ya taimakawa Tottenham lashe kofin FA, kuma ya taimakawa kungiyar zuwa zagayen Quarter Final a gasar zakarun Turai, tare da zuwa matsayi na hudu a Teburin Premier.