Madrid ta fi Manchester kudi, Backham ya fi Ronaldo da Messi
A watan jiya ne Manchester United ta fafata da Real Madrid a gasar zakarun Turai, lamarin da ya ja hankalin masoya kwallon kafa a Duniya a karawar kungiyoyin biyu inda Real Madrid ta samu sa’ar United a Old Trafford. Kuma yanzu Real Madrid ta karbe wa United matsayinta na attajirar kungiya a jerin attajiran kungiyoyi kwallon kafa da Mujallar Forbes ke wallafawa.
Wallafawa ranar: Chanzawa ranar:
Real Madrid ce ta daya a duniya da roron kudi Fam Biliyan biyu da Miliyan 18, Yayin da Manchester United ke bi mata da roron kudi fam Biliyan 2 da Miliyan 9.
Barcelona ce a matsayi na uku sai kungiyar Arsenal a matsayi na hudu, Bayern Munich kuma a matsayi na biyar.
Kungiyoyin Premier na Ingila Bakwai ne dai a jerin sahun attajiran kungiyoyin kwallon kafa 20, sai Bundesliga a Jamus da Seria A a Italia wadanda ke da yawan kungiyoyi Hudu. A Spain Barcelona ce da Real Madrid cikin jerin kungiyoyi 20 kamar yadda a Faransa akwai Lyon da Marseille. Kungiyar Corinthian daga Brazil ta samu shiga cikin jerin attajiran kungiyoyi 20.
Dan Wasan PSG David Beckham shi ne na daya da aljihunsa ya fi cika da kudi Fam miliyan 33. Sai Ronaldo na Real Madrid a matsayi na biyu da kudi Fam Miliyan 28.8 abokin hammayarsa ne na Barcelona Lionel Messi a matsayi na uku da kudi Fam miliyan 26.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu