An buga wasan kwallon kafa na farko a Afghanistan

A karon farko cikin shekaru 10, an buga wasan kwallon kafa a kasar Afghanistan tsakanin ‘yan wasan kasar da kuma na Pakistan inda Afgahnistan ta lallasa Pakistan da ci 3-0.

Wani mai goyon bayan Afghanistan a karawarsu da Pakistan REUTERS/Omar Sobhani

Bangarorin biyu sun kara ne a wani filin wasa mai daukan ‘yan kallo 6000 inda rahotanni ke nuna cewa an samu turuwa a wajen sayen tikitin shiga kallon wasan.

Rabon dai da kasar ta Afghanistan ta buga wasa a cikin gida tun a shekarar 2003.

Kuma rabon da kasashen biyu, su kara tun a shekarar 1997.