Issa Hayatou na son ya zarce

Rahotanni sun ce shugaban hukumar CAF Issa Hayatou yana neman a yi wa tsarin dokokin hukumar kwallon Afrika kwaskwarima domin ya samu damar yin tazarce kan madafan ikon hukumar.

Shugaban kwallon Afrika Issa Hayatou. AFP PHOTO / STEPHANE DE SAKUTIN

A tsarin dokar hukumar CAF duk jami’in da ya kai shekaru 70 ya zama wajibi ya yi murabus, amma rahotanni sun ce Issa Hayatou yana neman a sabunta dokar a babban taron hukumar da za a gudanar a birnin Al Kahira a watan Afrilu duk da ya kwashe shekaru da dama yana shugabancin kwallon Kafa a Nahiyar Afrika.

Wa’adin shugabancin Hayatou zai kawo karshe ne a 2017 amma yana neman karin wa’adi har zuwa 2021, lokacin da shekarunsa suka zarce 75.

Tun shekarar 1988 ne Hyatou ke shugabancin CAF.