Barcelona ta kai zagayen karshe a Copa del Ray

Barcelona za ta hadu da Athletic Bilbao a wasan karshe a gassar Copa del Ray bayan kungiyoyin biyu sun samu nasara a wasanninsu da suka fafata a zagayen dab da na karshe. Barcelona ta lallasa Villarreal ne da jimillar 6-2.

'Yan wasan Barcelona Luis Suarez da Neymar REUTERS/Heino Kalis

Kwallaye biyu Neymar ya zira a raga, yayin da Suarez ya jefa Barcelona kwallo ta uku a ragar Villarreal inda suka tashi ci 3 da 1 a jiya Laraba.

Yanzu jimillar kwallaye 11 Suarez ya jefa wa Barcelona.

Athletic Bilbao ta kai zagayen karshe ne bayan ta doke Espanyol da jimillar kwallaye ci 3-1.