Mourinho zai sake ajiye Rooney a banci
Akwai yiwuwar kocin Manchester United, Jose Mourinho ya sake ajiye kaften dinsa Wayne Rooney a banci a fafatawar da kungiyar za ta yi da Zorya Luhansk ta Ukraine a gasar Europa League a gobe Alhamis.
Wallafawa ranar:
Kocin dai ya ajiye Rooney a banci a wasan da Manchester United ta doke Leicester city da ci 4-1 a gasar Premier ta Ingila da suka yi a karshen makon jiya.
Ana dab da kammala wasan ne, Manchester United ta sanya kyaften din nata.
A hirar da ya yi da ‘yan jaridu a yau Laraba, Jose Mourinho ya ce, Rooney na ckin tawagar da za ta yi masa wasan na gobe, amma babu tabbacin cewa, da shi za a fara wasan.
Tun lokacin da aka nada Mourinho a matsayin koci, aka fara hasashen makomar Wayne Rooney a Manchester United.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu