Sauyin shekar Alaba daga Munich zuwa Madrid ta tabbata
Majiyoyi kwarara daga Spain sun ce sauyin shekar David Alaba daga Bayern Munich zuwa Real Madrid a kakar wasa ta badi ya tabbata.
Wallafawa ranar:
Rahotanni sun ce dan wasan mai shekaru 28 zai dafe albashin euro miliyan 11 duk shekara a Real Madrid, a karkashin yarjejeniyar tsawon shekaru 4.
Masu fashin baki kan tamaula dai sun bayyana sayen Alaba da Madrid tayi a matsayin farar dabara ta karfafa bangaren tsaron bayanta, la’akari da cewar har yanzu babu tabbas kan cigaba da zaman Sergio Ramos tare da kungiyar nan gaba, ganin cewa yana neman a tsawaita yarjejeniyarsa dake shirin karewa a bana da adadin shekaru 2, yayin da Madrid ke masa tayin shekara 1.
A gefe guda kuma sabon mai tsaron baya Eder Militao da Madrid din ta sayo daga FC Porto a 2019 har yanzu ya gaza nuna alamun kungiyar za ta iya dogara kansa.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu