Cutar Korona ta kutsa cikin sansanin 'yan wasan Algeria
Yan wasan Algeria da suka hada da Youcef Belaili, da Mohamed Amine da Hussein Benayada suka kamu da cutar, yayin da ake gaf da fara gasar cin kofin kasashen Afirka, nan da mako guda.
Wallafawa ranar:
Mai horas da tawagar kwallon kafar kasar Algeria, Jameel Belmadi ne ya shaidawa wani taron manema labarai halin da ake ciki a birnin Doha, inda ‘yan wasan na Algeria ke gudanar da atisaye kafin tashi zuwa Kamaru domin fafatawa a gasar AFCON.
Koci Belmadi ya ce dan wasan gaba Yusuf Belaili zai iya komawa atisaye nan da kwanaki biyu masu zuwa, amma 'yan wasa masu tsaron baya da suka hada da Mohd Ameen da Hussaini Benayada a halin yanzu suna Algeria, kuma za su shiga cikin tawagar kasar ne nan da kwanaki masu dan dama.
Algeria mai rike da kofin gasar cin kofin kasashen Afirka za ta kara da Saliyo da Equatorial Guinea da kuma Ivory Coast a wasannin matakin rukuni.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu