AC Milan ta hau saman teburin Serie A bayan doke Lazio

AC Milan ta koma saman teburin gasar serie A ta kasar Italiya bayan da ta jefa wata kwallo a ragar Lazio a cikin mintunan karshe na wasan da suka fafata.

Olivier Giroud bayan ya ci wa AC MIlan kwallo. © AP Photo / Antonio Calanni

Milan din sun yi sakaci har dan wasan Lazio Ciro Immobile ya saka musu kwallo a raga a cikin minti na 4 da fara wasa.

Bayan hutun rabin lokaci Olivier Giroud ya farke kwallon, inda bayan nan ne Milan suka ci gaba da matsa wa Lazio lamba har Zlatan ya kawo wata kwallo da Sandro Tonali ya ci.

Yanzu AC Milan  sun bai wa Inter Milan tazarar maki 4 a saman teburin, da saura wasanni 4 a Karkare gasar, amma wasanni 3 suka rage wa AC Milan din.