Harry Kane na shirin kamo Shearer da Rooney a yawan kwallayen Firimiya
Bayan nasarar shi ta zura kwallon da ya basu damar doke Manchester City a karshen mako, Harry Kane ya zama dan wasan Tottenham mafi zura kwallo inda ya dara Jimmy Greaves da a baya ake kwatanta su.
Wallafawa ranar:
Yanzu haka dai Kaftin na Ingila na da jumullar kwallaye 267 da ya zurawa Tottenham a wasanni daban-daban inda a Firimiya kadai ya ke da kwallaye 200 wanda ke nuna ‘yan wasa irinsu Alan Shearer me kwallo 260 da Wayne Rooney me kwallo 208 kadai ke gabanshi a yawan kwallayen firimiya.
Bayan kwallon ta Kane a minti na 15 hatta allunan filin wasa masu amfani da lantarki anga yadda suke rika fitar da rubutun ‘‘muna tayaka murna Kane’’.
Dan wasan mai shekaru 29 a watan disamban 2011 ne ya zurawa Tottenham kwallon farko, wanda ke nuna ya samu wannan nasara ne a shekaru 12.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu