Shugaban Hukumar Kwallon Kafar Spain ya shiga uku bayan sumbatar wata 'yar wasa
Firaministan Spain Pedro Sanchez ya caccaki shugaban Hukumar Kwallon Kafa ta kasar, Luis Rubiales kan yadda ya sumbaci 'yar wasan da ta lashe Gasar Cin Kofin Duniya ta mata, Jenni Hermoso.
Wallafawa ranar:
A cewar firaministan, bayar da hakuri kan lamarin kawai ba zai isa ba idan aka yi la'akari da girmar abin da ya faru.
Hotunan bidiyon da suka yadu sun nuna yadda Rubiales ya kama tare da sumbatar Hermoso a lebe a kan mumbari yayin bikin gabatar da kofin gasar cin kofin duniya ta mata da suka lashe a karon farko, ranar Lahadin da ta gabata bayan da Spain ta doke Ingila da ci 1-0.
A nata bangaren, ‘yar wasan da aka sumbata wato Hermoso, ta ce ko shakka babu ba ji dadin abin da shugaban Hukumar Kwalllon Kafar ya yi mata ba, amma ta ce hakan ba wani abin damuwa ba ne.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu