Turkiya da Jordan na nuna shakku kan yin amfani da karfin soji a Syria

Kasashen dake makwabtaka da kasar Syria na nuna jan kafa kan yunkurin Amurka na amfani da karfin soji, idan an tabbatar da Gwamnatin kasar ta yi amfani da makami mai guba.

Kasashen Turkiya da Jordan wadanda ke adawa da shugaba Bashar al assad, na fargabar cewar daukar duk wani matakin soji na iya haifar da matsala a cikin kasashen su.

Wata majiya dake kusa da Gwamnatin Turkiya ta nuna shakku kan duk wani rahota da ya shafi amfani da makamin kare dangi ko kuma makami mai guba, inda suke cewar haka aka yi a Iraqi kana aka yi nadama akai.