Bayern Munich ta musanta yunkurin siyo Rooney

Kungiyar kwallon kafar Bayern Munich ta musanta rade radin da ake yi na cewa za ta sayo dan wasan Manchester United Wayne Rooney a kakar wasa mai zuwa.

Dan wasan gaban Manchester United, Wayne Rooney

A dai makon da ya gabata ne Rooney ya mika takadar bukatarsa ta barin Old Trafford, sai dai Matthias Sammer, wanda darekta ne a kungiyar ta Bayern ya ce labarin ba haka ya ke ba.

A cewar Sammer, duk da cewa suna kallon Rooney da idon kima a fagen kwallon kafa, bai ga abinda zai karawa gasar ta Bundesliga ba.