An kashe sojojin Georgia bakwai a Afghanistan

Fadar Gwamnatin kasar Georgia, ta sanar da cewar an kashe sojojin kasar bakwai a harin kunar waken da aka kai musu a kasar Afghanistan.

Wasu sojojin Afghanistan dake sintiri REUTERS/Omar Sobhani

Janar Irakli Dzneladze, hafsan hafsoshin sojin kasar, ya ce sojojin sun rasa rayukansu ne lokacin da wani Dan kunar bakin wake ya ta da bam a sansanin su.

Kungiyar Taliban wacce ke yaki da gwamnatin shugaba Hamid Karzai da dakarun NATO, ta dauki alhakin kai harin.