PDP ta bukaci a tsige shugaba Buhari

Jam’iyyar adawa at PDP a Najeriya ta bukaci tsige shugaban kasa Muhammadu Buhari saboda abinda ta kira korar Sakataren Gwamnati Babacir Lawal da shugaban hukumar leken asiri Ayo Oke.

Shugaban Najeriya Muhammadu Buhari Nigeria Presidency/Handout via Reuters

Kakakin Jam’iyyar Ayo Adeyeye ya zargi shugaban da nuna ban-banci wajen yaki da cin-hancin, inda ya ke cewa marasa galihu sai a hada su da EFCC ko ICPC, masu galihu kuma ayi musu bincike da hukuncin cikin gida.

Adeyeye ya ce wannan nuna ban-bancin da Buhari ke nunawa 'yan Najeriya wani laifi ne da ya dace a tsige shi daga kujerar sa.