rfi

Saurare
  • Labarai Kai-tsaye
  • Labaran da suka gabata
  • RFI duniya

Najeriya Tattalin Arziki

wanda aka wallafa • Wanda aka canza zuwa

Najeriya:IPMAN ta kammala shirin fara aikin gina sabbin matatun mai

media
Wata Tankar Mai na NNPC. Getty Images/Suzanne Plunkett

Kungiyar dillalan man fertur ta Najeriya IPMAN ta ce ta kammala shirin fara aikin gina sabbin matatun mai a jihohi biyu na kasar akan kudi dala biliyan 3, kwatankwacin naira Triliyan 1.


Shugaban kungiyar IPMAN ta kasa, Mista Chinedu Okoronkwo ne ya bayyana haka, yayin zantawar da ya yi da kamfanin dillancin labaran Najeriya NAN a birnin Legas.

A watan Yulin shekarar 2014, IPMAN ta sayi fili mai fadin Kadada dubu daya, domin gina matatun man a Itobe da ke jihar Kogi, da kuma Abbe a jihar Bayelsa.

Ana sa ran bayan kammala matatun, za su rika tace gan-gar tataccen man fetur dubu 200,000 a kowacce rana.