Najeriya ta gabatar da jirgin samanta a London
Gwamnatin Najeriya ta gabatar da sabon jirgin sama na kasar a wani bikin baje kolin jiragen sama da ke gudana a birnin London.
Wallafawa ranar: Chanzawa ranar:
Karamin Ministan jiragen sama na Najeriya, Hadi Sirika ne ya wakilci gwamnatin kasar wajen gabatar da jirgin saman mai suna "Nigeria Air.”
A yayin gabatar da jawabi , Sirika ya ce, wannan ranar ce mai matukar muhimmanci ga Najeriya wadda ta kasance mai mafi karfin tattalin arziki da yawan al’umma a Afrika.
Ministan ya koka kan yadda kasar ta shafe tsawon shekaru ba tare da zirga-zirgar jirgin sama na kasar ba.
Sai dai gwamnatin Najeriya ba za ta mallaki fiye da kashi biyar na jirgin ba, lura da cewa za a mika ragamar tafiyar da shi ne a hannun ‘yan kasuwa da suka zuba hannayen jari a cikinsa kamar yadda Sirika ya bayyana.
Ana saran gabatar da jirgin a Najeriya a hukumance a ranar 19 ga watan Disamba mai zuwa, in da zai rika zirga-zirga akan hanyoyi 81 da suka hada da cikin gida da waje.
Tambarin jirgin na dauke da launin kore da fari.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu