rfi

Saurare
  • Labarai Kai-tsaye
  • Labaran da suka gabata
  • RFI duniya

Najeriya Kaduna

wanda aka wallafa • Wanda aka canza zuwa

An kafa dokar hana zirga-zirga a Kaduna

media
Wasu jami'an 'yan sandan Najeriya. Reuters

Gwamnatin jihar Kaduna da ke tarayya Najeriya ta sanya dokar hana fita na tsawon awanni 24 domin tabbatar da doka da oda a ciki da wajen gari.


Kakakin gwamnan jihar Samuel Aruwan ya tabbatar da daukar matakin cikin wata sanarwa da ya fitar a ranar Ladin nan.

Al’amarin rashin tsaron ya biyo bayan rikicin da aka samu a yankin Kasuwan Magani dake karamar hukumar Kajuru ranar Alhamis 18 ga Oktoba, inda akalla mutane 55 suka rasa rayukansu.

Wakilinmu daga Kaduna Aminu Sani Sado ya aiko mana da rahoto kan halin da ake ciki.

An kafa dokar hana zirga-zirga a Kaduna 22/10/2018 - Daga Aminu Sani Sado Saurare

A watan fabarairun da ya gabata an taba samun makamancin wannan rikici, a yankin na Kasuwan Magani, inda akalla mutane 10 suka mutu, daga bisani kuma aka kama wasu mutane 65 bisa zarginsu da hannu cikin rikicin, har yanzu kuma shari’ar da ake musu a kotu na ci gaba da gudana.