rfi

Saurare
  • Labarai Kai-tsaye
  • Labaran da suka gabata
  • RFI duniya

Najeriya Kano APC PDP

wanda aka wallafa • Wanda aka canza zuwa

Abba Yusuf na kalubalantar nasarar Ganduje a kotu

media
Abdullahi Umar Ganduje da Abba Kabir Yusuf dailypost

Jam’iyar PDP reshen jihar Kano ta shigar da karar APC a gaban kotu, in da take kalubalantar nasarar da Gwamnan Jihar Abdullahi Umar Ganduje ya samu a zaben da aka gudanar. Kwanaki 20 kenan da Hukumar Zaben Najeriya Mai Zaman Kanta, INEC ta ayyana Ganduje a matsayin wanda ya yi nasara.


Takardar korafin da PDP ta rubuta wa kotun sauraren korafe-korafen zabe, na cewa, dan takaranta Abba Yuusf ne ya samu nasara a zaben da aka gudanar a ranar 9 ga watan Maris da ya gabata.

Kazalila jam’iyyar adawar na korafin cewa, Hukumar INEC ba ta gudanar da zaben cikin mutunta dokoki da kundin tsarin mulkin kasar ba.

A yayin zantawa da manema labarai, Abba Yususf ya ce, PDP ta samu mafi yawan kuri’u a kananan hukumomi 44 a zaben na ranar 9 ga watan Maris.

A cewar Yusuf, suna addu’ar  kotun za ta fayyace hakikanin wanda ya yi nasara a zaben.

Jam’iyyar ta PDP ta bayyana cewa, matakin ayyana zaben ranar 9 ga watan Maris a matsayin wanda bai kammala ba, wani yunkuri ne na samar wa APC hanyar magudin dawo da dan takaranta akan karagar mulki.