rfi

Saurare
  • Labarai Kai-tsaye
  • Labaran da suka gabata
  • RFI duniya

Ireland

wanda aka wallafa • Wanda aka canza zuwa

Tsarin auren jinsi guda ya samu shiga a ireland

media
Masu Murna da tsarin auren Jinsi daya a Ireland REUTERS/Cathal McNaughton

A yau assabar kasar Ireland ta amince da tsarin auren jinsi guda, bayan masu na’am da tsarin sun samu rinjaye a kuri’ar jin ra’ayi da aka kada a jiya juma’a, da kashi sama da 62 cikin dari na yawan kuri’un da aka jefa.Tuni daruruwan masu na'am da wannan tsarin suka bazama a kewayen kasar domin murnar farin cikinsu.


Gwamnatin kasar Ireland ta bayyana cewar, wannan sakamakon ya nuna cewa kasar su za ta zamto kasa ta farko a Nahiyar Turai, da kuri'ar jin ra’ayi zai ba ta damar kafa dokar auren jinsi guda, bayan masu adawa da tsari kashi 38 kawai garesu a cikin 100.

A cikin shekarar ta 1993, dokar kasar Ireland ta haramta wannan tsari na auren jinsi daya, da kuma zub da ciki da gan-gan, lamari da bai dadawa masu ra'ayin auren jinsi daya ba.

A yanzu dai Ireland ita ce kasa ta 19 a duniya data amince da tsarin auren jinsi guda,kuma ta 14 a Nahiyar turai.