Faransa ta nemi agaji domin kashe wutar daji

Sama da mutane dubu 10 ne aka kwashe daga yankin da wutar dajin ta shafa, lura ida yadda gobara ke saurin yaduwa a cikin kwanaki biyu da tashinta.

Wani jirgin kashe gobara a yankin Carros, kusa da Nice a Faransa ranar 24 ga watan yulin 2017. A Canadair firefighting aircraft drops water on a wildfire which

Gobarar ta tashi ne a yankin Bormes-les-Mimosas da ke kudancin kasar, yankin da ke jan hankulan masu yawon bude ido sosai a kowace rana ta Allah.

Tuni aka kwashe baki masu yawon bude ido da yawansu ya haura dubu uku daga yankin, yayin da jami'an tsaro da suka hada da 'yan kwana-kwana dubu 4, tare da wasu jiragen saman kashe gobara 19 ke ci gaba da aiki domin murkushe wutar dajin.