Babbar gada ta rufta da motoci a Italiya
Wata babbar gadar motoci ta rufta a kusa da birnin Genoa da ke Italiya, abin da ya yi sanadiyar faduwar kanana da manyan motoci daga saman gadar.
Wallafawa ranar:
Ministan Sufuri na kasar, Danilo Toninelli ya bayyana fargabar samun gagarumin ibtila’i sakamakon ruftawar gadar, yayin da jami’an ‘yan sanda ke cewa, kawo yanzu akalla mutane 10 sun rasa rayukansu.
Jami’an ‘yan sandan sun alakanta aukuwar lamarin da barkewar iskar hadari mai karfin gaske.
Jami’an agaji da suka hada da na kashe gobara na ci gaba da aikin ceto kuma tuni suka garzaya da wadanda suka samu rauni asibiti
Tun a tsakankanin shekarar 1960 aka gina gadar da aka fi sani da gadar Morandi, yayin da tsawon mita 200 na gadar ya rufta a ranar Talata.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu