rfi

Saurare
  • Labarai Kai-tsaye
  • Labaran da suka gabata
  • RFI duniya

Amurka Donald Trump Mexico

wanda aka wallafa • Wanda aka canza zuwa

An kawo karshen rufewar ma'aikatun Amurka

media
Shugaban Amurka Donald Trump. AFP

Shugaban Amurka Donald Trump, ya kawo karshen rufewar da ma’aikatun kasar suka yi, mafi tsawo da aka taba gani a tarihi.


An kawo karshen gurguncewar ma’aikatun bayan cimma wata yarjejeniya tsakanin Trump da ‘yan majalisar dokokin na Amurka.

Sai dai ma’aikatun za su ci gaba da aiki ne tsawon makwanni 3 kawai, muddin aka gaza warware takaddama tsakanin shugaban na Amurka da ‘yan majalisu, kan bukatarsa ta neman dala bliyan 5 don gina katanga mai fadin kilomita sama da dubu 3 tsakaninsu da Mexico, bukatar da suka ki amincewa da ita.

Rufewar ma’aikatun na wucin gadi, ya gurgunta muhimman ayyuka a Washington, dakatar da sufurin jiragen sama, da kuma shafar ma’aikatan gwamnati a matakin tarayya sama da dubu 800, wadanda suka shafe makwanni 5 babu albashi.