rfi

Saurare
  • Labarai Kai-tsaye
  • Labaran da suka gabata
  • RFI duniya
  • Palestinawa 22 hare-hare daga Israela ya kashe a Gaza.
  • Dan kunar bakin wake ya kashe mutun daya a ofishin 'yan sandan Indonesia

Faransa

wanda aka wallafa • Wanda aka canza zuwa

Mutumin da ya daba wa 'yan sanda wuka a Faransa mai tsatsauran ra'ayin addini ne

media
Shelkwatar 'yan sandan Faransa a tsakiyar birnin Paris BERTRAND GUAY / AFP

Wani mai gabatar da kara kan a bin da ya shafi ayyukan ta’addanci a Faransa ya ce mutumin nan da ya farmaki abopkan aikinsa da wuka a shelkwatar ‘yan sanda har ya yi sanadin mutuwar mutum 4 a cikinsu yana riko ne da akida irinta masu ‘tsatsauran ra’ayin addinin Islama’.


Dan shekara 45 din wanda kwararre ne a sha’anin komfuta yana dasawa da ‘yan Salfiya, wadanda ake wa kallon masu tsatsauran ra’ayi daga cikin ‘yan Sunni, kuma ya sha kare ta’asa da ake aikatawa da sunan addinin Musulunci.

Jami’en ‘yan sanda 4 ne ciki har da mace guda suka mutu a harin na ranar Alhamisa shelkwatar ‘yan sanda kusa da majami’ar Notre Dame a tsakiyar birnin Paris.

‘Yan sanda sun harbe maharin, mai suna Mickael Harpon har lahira.

Wanna lamari dai ya razana illahjirin rundunar ‘yan sandan Faransa wanda tun dafarko suke korafi kan rashin ba su kwarin gwiwa.