Sharapova ta lashe Roland Garros

Maria Sharapova Jarumar Tennis a Rasha ta lashe kofin Roland Garros karo na biyu a cikin shekaru uku bayan ta doke ‘yar wasan Romania Simona Halep a karawar karshe da aka kwashe lokaci mai tsawo ana fafatawa. Wannan shi ne kofi na biyar da Sharapova ta lashe na manyan gasannin Tennis na duniya.

Maria Sharapova rike da kofin gasar Roland Garros da ta lashe karo na biyu REUTERS/Vincent Kessler

A shekarar 2012 Sharapova ita ce ta lashe kofin gasar a Faransa yayin da kuma a bara ta sha kashi a karawar karshe a hannun Serena Williams.