Isa ga babban shafi
Wasanni

Belgium da Jamus da Faransa sun kai gaci a Euro 2016

Kasar Belgium ta samu nasarar tsallakawa zuwa matakin wasan dab da na kusan karshe a gasar cin kofin kasashen Turai da ake gudanarwa a Faransa bayan ta lallasa Hungary da ci 4-0 a fafatawar da suka yi jiya Lahadi.

A karon farko kenan da  Eden Hazard ya ci wa Belgium a gasar Euro 2016 da ake yi a Faransa
A karon farko kenan da Eden Hazard ya ci wa Belgium a gasar Euro 2016 da ake yi a Faransa AFP PHOTO / ADRIAN DENNIS
Talla

A karo na farko kenan da Belgium ta samu nasarar tsallawa zuwa wannan matakin tun lokacin da Jamus ta yamma ta doke ta  wasan karshe a shekara ta 1980.

A bangare guda, a karon farko kenan da dan wasan Belgium Eden Hazarda ya ci kwallo a gasar ta Euro 2016 kuma yanzu haka kasar za ta hadu da Wales a birnin Lille da ke kan iya da Belgium da Faransa domin neman gurbi a matakin wasan dab da na karshe.
 

Itama kasar Jamus ta samu nasarar shiga matakin gaba na gasar ta Euro 2016 bayan da ta doke Slovakia da ci 3-0 a karawar da suka yi jiya a Lille.

A karo na farko kenan da Jerome Boateng ya ci wa Jamus kwallo a wata gasar kasa da kasa kuma shi ne ya fara zura kwallo a minti na 8 da fara wasan na jiya.

Sau 63 kenan da dan wasan ke wakiltan kasarsa a gasar kasa da kasa.

Ita ma Faransa mai masaukin baki ta samu shiga zagayen gaba, bayan da ta doke jamhuriyar Irelanda ci 2-1.

Yaznu haka, Faransa za ta hadu da Ingila ko kuma Iceland a filin wasa na Stade de France a ranar Litinin mai zuwa.

 

 

 

 

 

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.