Isa ga babban shafi
Ingila

John Terry zai bar Chelsea

Chelsea ta sanar cewa kaftin din ta John Terry zai bar kungiyar a karshen kaka bayan ya shafe shekaru 22 yana murza leda a kungiyar. Terry ya yi haskawa 713 a Chelsea tare da jefa kwallaye 66 a raga.

Kaftin na Chelsea John Terry
Kaftin na Chelsea John Terry Reuters/Stefan Wermuth L
Talla

Dan wasan ya shafe shekaru 22 a Chelsea tun 1998. Shi ne dai dan wasa na uku a tarihin kungiyar da ya fi haskawa a kungiyar.

Duk da dai Terry ne kaftin na Chelsea amma kocin kungiyar na yanzu Antonio Conte ba ya amfani da shi inda wasanni 5 kacal ya buga a kakar bana.

Dan wasan ya ce nan gaba zai sanar da makomar shi.

Terry ya lashe kofunan gasar premier 4 a Chelsea da kofunan FA guda 5 da kofin kalubale na ingila guda uku.

Sannan ya lashe kofin zakarun Turai a 2012 zamanin Di Matteo da Kofin europa a zamanin Rafael Benitez

Terry ya ce yana fatar dawo wa Chelsea amma ba a matsayin dan wasa ba idan ya rataye takalminsa.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.