rfi

Saurare
  • Rayuwa - A karance
  • Karshe log
  • RFI Duniya

Kwallon Kafa Argentina

wanda aka wallafa • Wanda aka canza zuwa

Sampaoli zai zama kocin Argentina

media
Jorge Sampaoli ya lashewa Chile Copa Amerika Reuters/Marcelo del Pozo

Argentina na shirin ba Jorge Sampaoli aikin horar da ‘yan wasan kasar bayan kungiyar Sevilla ta tabbatar da cim ma yarjejeniya tsakaninta da hukumar kwallon kafar kasar.


Sampaoli ya yi kokarin kai Sevilla matsayi na hudu a teburin La liga a bana a cikin shekara daya da ya karbi aikin horar da kungiyar.

Argentina dai na fuskantar barazanar kasa tsallakewa zuwa gasar cin kofin duniya a karon farko tun a 1970.

Zuwan Argentina gasar cin kofin duniya a Rasha ne babban kalubalen da ke gaban Sampaoli bayan ta sha kashi hannun Bolivia a watan Maris.

Argentina na matsayi na biyar ne a teburin kasashen kudancin Amurka, kuma kasashe hudu ne kawai ke da hurumin zuwa gasar cin kofin duniya da za a gudanar a Rasha a 2018.

Sampaoli zai fara jagorantar Argentina a wasan sada zumunci tsakaninta da Brazil a 9 ga Yuni, kafin wasa da Uruguay a Agusta domin neman shiga gasar cin kofin duniya