rfi

Saurare
  • Labarai Kai-tsaye
  • Labaran da suka gabata
  • RFI duniya

Wasanni

wanda aka wallafa • Wanda aka canza zuwa

Valverde ya zama kocin Barcelona

media
Ernesto Valverde, sabon kocin Barcelona REUTERS

Kungiyar kwallon kafa ta Barcelona ta tabbatar da tsohon kocin Athletico Bilbao, Ernesto Valverde a matsayin sabon mai horar da ita, in da ta kulla kwantiragin shekaru biyu da shi.


Shugaban Barcelona, Josep Maria Bartomeu ya ce, sabon kocin na da kwarewa da ilimin horar da ‘yan wasa.

A makon jiya ne Valverde da ya taba buga wa Barcelona wasa, ya sanar da shirinsa na raba gari da Atletico Bilbao bayan ya jagorance ta na tsawon shekaru hudu.

Valverde mai shekaru 53 zai maye gurbin Luis Enrique, wanda ya ce zai raba gari da Barcelona bayan kwantiraginsa na shekaru uku ya kare.

Tuni dai Barcelona ta yi sallama da Enrique bayan ya jagorance wajen samun nasarar lashe kofin Copa de Rey bayan ta casa Alaves da ci 3-1 a ranar Asabar.