rfi

Saurare
  • Labarai Kai-tsaye
  • Labaran da suka gabata
  • RFI duniya

Wasanni Tseren Gudu Najeriya Lagos

wanda aka wallafa • Wanda aka canza zuwa

'Yan mata 70 zasu fafata a gasar tseren gudu da takalmi mai tsini

media
Wasu mata da ke tsala gudu yayinda suke sanye da takalma masu tsini. Bogdan Cristel/Reuters

‘Yan mata 70 ne zasu fafata a wata gasar tseren gudu ta musamman, da zata gudana a birnin Legas da ke kudancin Najeriya a ranar 18 ga watan Nuwamba da muke ciki.


Gasar tseren da ta banbanta da wadanda aka saba gani, ‘yan matan zasu yi ta ne yayinda suke sanye da takalmi mai tsini, wanda tsawonsa zai kai akalla inci 4.

Shugaban shirya gasar Dede Kalu, ya ce makasudin shirya gasar shi ne taimakawa mata su kware wajen iya gudu da takalma masu tsini yayin tsallaka manyan tituna don kaucewa bugewar mota, kamar yadda hakan ta taba faruwa da wata da ya gazaya da ita asibiti.

Shekarun ‘yan matan da zasu fafata a gasar tseren gudun na tsakanin shekaru 17 zuwa 28. Kuma wadda tazo ta daya zata lashe kyautar Naira dubu 100, dubu 70 ga ta 2 sai kuma ta 3 da zata samu kyautar Naira dubu 50.