Griezman ya zura kwallaye 4 a ragar Leganes

Dan wasan gaba na kungiyar Atletico Madrid Antonie Griezman ya ci kwallaye 4, a wasan da suka lallasa Leganes da kwallaye 4-0.

Antoine Griezmann yayin murnar zura kwallo ta uku a ragar Leganes. REUTERS/Juan Medina

Karo na takwas kenan a jere, Atletico Madrid tana yamutsa Leganes a duk lokacin da suka fafata wasa.

A ranar lahadi da ta gabata ma dai kwallaye 3 Griezman ya ci a wasan da suka lallasa kungiyar Sevilla da kwallaye 5-2.

A halin yanzu tazarar maki 4 ce tsakanin Atletico da Barcelona a gasar La liga, wadda a yau zata yi tattaki don karawa da Las Palmas.

Ranar Lahadi mai zuwa Atletico Madrid zata yi tattaki zuwa filin wasan na Nou Camp don fafatawa da Barcelona, wasan da zai tantance yi wuwar Atletico ta samu damar sake matsar kungiyar ta Barcelona.