Wenger yayi bankwana da Arsenal
Mai horar da Arsene Wenger, ya yi bankwana da kungiyar cikin yanayi na kewa bayan kammala wasan da Arsenal din ta lallasa kungiyar Burnley da kwallaye 5-0 a filin wasa na Emirates.
Wallafawa ranar:
Wasan na jiya ya baiwa Arsene Wenger damar samun nasarar jagorantar kungiyar ta Arsenal samun nasara a wasanni 475 daga cikin wasanni 826 da kungiyar ta buga a karkashinsa a gasar Premier.
Wenger ya fara jagorantar Arsenal a wasan farko da ta lallasa kungiyar Blackburn Rovers da kwallaye 2-0 a flin wasa na Ewood Park.
A jimlace cikin cikin shekaru 22 da ya shafe yana horar da Arsenal, Wenger ya jagoranci kungiyar lashe kofunan gasar Premier 3 da kuma kofunan gasar FA 7.
Magoya bayan kungiyar Arsenal ba zasu manta da kakar wasa ta shekarar 2003/2004 ba, lokacin da kungiyar ta kammala baki dayan wasanninta a ba tare an samu nasara akanta ba a karkashin mai horarwa Arsene Wenger.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu