Isa ga babban shafi
Wasanni

Hierro ya karbi mukamin horar da 'yan wasan Spain

Tsohon Kaftin din tawagar kwallon kafa ta Spain Fernando Hierro ya karbi rikon kwaryar horar da ‘yan wasan kasar a gasar cin kofin duniya da za a soma wasanninta a yau Alhamis.

Sabon mai horar da 'yan wasan kasar Spain Fernando Hierro.
Sabon mai horar da 'yan wasan kasar Spain Fernando Hierro. REUTERS/Stringer
Talla

Hierro ya maye gurbin Julien Lopetegui, wanda hukumar kwallon Spain ta kora a jiya Laraba, kwana guda, bayan da kungiyar Real Madrid ta bayyana shi a matsayin sabon mai horar da ‘yan wasanta a kakar wasa mai kamawa.

Hukumar kwallon kafar Spain ta ce ta dauki matakin ne a dalilin rashin sanar da ita a hukumance, dangane da sabon mukamin da Lopetegui ya karba na horar da kungiyar Real Madrid.

Idan za a iya tunawa, a ranar Talata Lopetegui ya sa hannu kan yarjejeniyar horar da ‘yan kungiyar ta Real Madrid tsawon shekaru 3, amma da sharadin zai kama aiki bayan kammala jagorantar ‘yan wasan Spain a wasannin gasar cin kofin duniya.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.