rfi

Saurare
  • Labarai Kai-tsaye
  • Labaran da suka gabata
  • RFI duniya

Wasanni Tennis

wanda aka wallafa • Wanda aka canza zuwa

Angelique Kerber ta doke Serena Williams

media
Angelique Kerber yar wasar da ta doke Serena Williams Reuters/Edgar Su

Serena Williams da aka sa ran za ta kafa sabon tarihi a gasar kwallon Tennis na gasar Wimbledon ta bana da ke gudana a birnin London,ta yi kasa a gwiwa a karawarta da Angelique Kerber yar kasar Jamus.


A yau Asabar  Serena Williams da ke jego, ta fafata da Angelique Kerber ‘yar kasar Jamus a wasan karshe, watanni 10 kacal bayan haihuwa da ta yi a watan Satumba na shekarar 2017.

Manazarta sun sa ran cewa Serena za ta samu wannan nasara wanda hakan zai zama karo na farko da mai jego ta lashe kofi a daya daga cikin manyan wasannin kwallon tennis cikin shekaru 38, bayan tarihin da Evonne Googlagong ta kafa.

A shekarar 1980 Evonne Googlagong ‘yar kasar Australia, ta kafa tarihin zama mai jego ta farko da ta lashe kofin babbar gasar Tennis a duniya.

A karawar ta yau Angelique Kerber yar kasar Jamus ta doke Serena Williams da ci 6-3, 6-3 bayan share kusan sa'o'i daya ana karawa.