rfi

Saurare
  • Labarai Kai-tsaye
  • Labaran da suka gabata
  • RFI duniya

Wasanni Gasar Cin Kofin Afrika Kwallon Kafa Saliyo Ghana FIFA

wanda aka wallafa • Wanda aka canza zuwa

Babu tabbas kan wasa tsakanin Saliyo da Ghana

media
Kofin gasar kasashen Nahiyar Afrika. E.Makundi-RFIkiswahili

Har yanzu babu tabbas kan yiwuwar wasan neman cancantar zuwa gasar cin kofin nahiyar Afrika tsakanin Ghana da Saliyo, la’akari da cewa har yanzu, FIFA bata amsa wa hukumar kwallon kafar Saliyo bukatar dage haramcin buga wasannin da ta kakaba mata ba.


A makon da ya gabata ne FIFA ta haramtawa Saliyo shiga wasanni, saboda abinda ta kira, tsoma bakin da gwamnatin kasar ke yi cikin tafiyar da al’amuran hukumar kula da kwallon kafa ta kasar, lamarin da ya sa aka soke wasan da Saliyo za ta fafata da Ghana a ranakun 11 da kuma 15 ga watan Oktoban da ake ciki.

A ranar Litinin da ta gabata kakakin hukumar wasannin Saliyo Ibrahim Kamara, ya shaidawa manema labarai cewa sun aikewa da FIFA wasikar neman dage haramcin da ta kakaba musu.

Rikicin cikin gidan ya samo asali ne, bayanda hukumar yakar cin hanci da rashawa ta kasar, ta yi yunkurin sauke Isha Johansen da Christopher Kamara, wato shugabar hukumar kwallon kasar ta Saliyo da kuma sakataren hukumar daga mukamansu, bias zargin sun aikata laifukan cin hanci da rashawa.