PSG za ta sayi 'yan wasan Real Madrid 3 a lokaci guda
Kungiyar PSG ta soma yunkurin ganin ta sayi wasu 'yan wasan Real Madrid guda uku da zarar an bude fagen hada-hadar sauyin shekar ‘yan wasa.
Wallafawa ranar:
Jaridar Le Parisien da ke Faransa, ta rawaito cewa 'yan wasan sun hada da, Toni Kroos, Isco, da kuma Gareth Bale, kuma kungiyar ta PSG, ta ce a shirye take ta mikawa Real Madrid euro miliyan 180, domin saye su a lokaci guda.
A baya bayan nan dai Gareth Bale ya rasa damar da yake samu a Real Madrid na zama dan wasan da ake ji dashi, tun bayan da Zinaden Zidane ya sake karbar mukamin horar da kungiyar a yan watannin da suka gabata, hakan tasa ake alakanta dan wasan komawa wasu kungiyoyi, ciki harda Manchester United.
A makon nan ne kuma Real Madrid ta gabatarwa da kungiyar Tottenham tayin mika mata tsohon wasanta Gareth Bale a matsayin aro kan euro miliyan 10.
A shekarar 2013, Bale ya koma Real Madrid daga Tottenham kan euro miliyan 86, abinda ya sa shi zama dan wasa mafi tsada a waccan lokacin.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu