rfi

Saurare
  • Labarai Kai-tsaye
  • Labaran da suka gabata
  • RFI duniya
  • Palestinawa 22 hare-hare daga Israela ya kashe a Gaza.
  • Dan kunar bakin wake ya kashe mutun daya a ofishin 'yan sandan Indonesia

Wasanni Kwallon Kafa Gasar Zakarun Turai

wanda aka wallafa • Wanda aka canza zuwa

UEFA ta fitar da sabon jadawalin gasar cin kofin zakarun Turai

media
Tawagar kungiyar kwallon kafa ta Liverpool bayan lashe kofin zakarun Turai. REUTERS/Toby Melville

Hukumar kwallon kafar Turai ta fitar da sabon jadawalin gasar cin kofin zakarun Turai, a wasannin gasar da za su fara daga 17 ga watan satumba mai kamawa zuwa ranar 30 watan Mayun 2020.


A rukunin farko na jadawalin wato rukunin A wanda ya kunshi kungiyoyin kwallon kafa 4 akwai PSG ta Faransa da Real Madrid da Club Bruges da kuma Galatasaray.

A rukunin B kuwa akwai Bayern Munich da Tottenham, da Olympiakos baya ga Red Star Belgrade.

Sai rukunin C da ya kunshi Manchester City da Shakhtar Donetsk da kuma Dinamo Zagreb baya ga Atalanta.

Akwai kuma rukunin D da ya kunshi Juventus da Atletico Madrid sai Bayer Leverkusen da kuma Lokomotiv Moscow.

Sai rukunin E da ya kunshi Liverpool mai rike da kambun na zakarun Turai sannan Napoli kana Salzburg, da Genk.

Akwai kuma rukunin F da hadar da Barcelona, Borussia Dortmund, da Inter Milan da kuma Slavia Prague.

Sai rukunin G da yakunshi Zenit St Petersburg da Benfica da Lyon da kuma RB Leipzig.

Kana rukunin H kuma na karshe da ya kunshi Chelsea, Ajax da Valencia kana Lille.