Za a yanke hukunci kan mutanen dake safarar sassan jikin Bil adama

Yau ake saran wata kotun kasashen Turai a Kosovo, dake shari’a kan wasu mutane bakwai da ake zargi da safarar sassan jikin Bil Adama za ta yanke hukunci.

Kotun Manyan laifuka a Kosovo www.balcanicaucaso.org

Alkalan kotun sun saurari ba’asi daga shaidu 80, da suka hada da wadanda suka ba da sassan jikin su, da kuma wadanda suka karba, a zaman kotun sama da 100 da aka yi.

Ana dai tuhumar mutanen ne da jigilar kauyawa daga sassan Nahiyar Asiya inda suke basu euro 15,000 dan cire sassan jikin su.